søndag 25. november 2012

Kokkvold med nok ein bom

Canal Digital og TV2 er sure på kvarandre. Det handlar om pengar. Då striden var på kokepunktet var det nokon som meldte at det hjå Canal Digital låg ein informasjonsplakat over TV2 sin nyhendekanal Nyhetskanalen. Canal Digital forklarte seg slik:
"Vi kan vel ikke forklare det, men jeg kan forsikre om at vi ikke sensurerer TV sendinger. Våre teknikere har brukt hele dagen på å prøve å finne ut hva som kan ha skjedd."
TV2 valde å aldeles ikkje tru på forklaringa. Kommunikasjonsdirektør i TV2 Rune Indrøy:
"Det tror jeg ikke særlig mye på."
Påstand mot påstand, altså. Og det er jo keisamt. Så TV2 ringer Per Edgar Kokkvold for ein kommentar. Kanskje han kan vere tvilande til Canal Digital han også? Men neida. Per Edgar tvilar ikkje på noko - her er det tydeleg kva som har skjedd.
"Nyhetssensur. Det som har skjedd nå er uhørt. At en distributør sensurerer en nyhetskanal, en distributør som til og med er statseid gjennom Telenor. Dette er nesten uvirkelig."
Dette var for tre veker sidan. Sidan då har Veritas granska det som skjedde og for nokre dagar sidan kom konklusjonen: "Canal Digital bedrev ikke sensur.":
"Den «mystiske» plakaten som la seg over TV 2 Nyhetskanalen skyldtes en teknisk feil."